കെ.എസ്.ആർ ബെംഗളൂരു റെയിൽവേ സ്റ്റേഷനിൽ നിന്നും പുറപ്പെടുന്ന രാജധാനി എക്സ്പ്രസിന്റെ പ്ലാറ്റ്ഫോമിൽ മാറ്റം വരുത്തി. വെള്ളിയാഴ്ച മുതൽ പുതുക്കിയ പ്ലാറ്റ്ഫോം ക്രമീകരണങ്ങൾ നിലവിൽ വരുമെന്ന് സൗത്ത് വെസ്റ്റേൺ റെയിൽവേ (SWR) അറിയിച്ചു.
പ്രവർത്തനപരമായ കാരണങ്ങളാലാണ് ട്രെയിനുകളുടെ പ്ലാറ്റ്ഫോമുകളിൽ മാറ്റം വരുത്തിയിരിക്കുന്നത്. ഇതനുസരിച്ച് 22691-ാം നമ്പർ കെ.എസ്.ആർ ബെംഗളൂരു-ഹസ്രത്ത് നിസാമുദ്ദീൻ രാജധാനി എക്സ്പ്രസ് ഇനി മുതൽ എട്ടാം നമ്പർ പ്ലാറ്റ്ഫോമിന് പകരം ഒന്നാം നമ്പർ പ്ലാറ്റ്ഫോമിൽ നിന്നായിരിക്കും യാത്ര തിരിക്കുക.
രാജധാനി എക്സ്പ്രസിന്റെ മാറ്റത്തെത്തുടർന്ന് കർണാടക എക്സ്പ്രസിന്റെ പ്ലാറ്റ്ഫോമിലും മാറ്റം വരുത്തിയിട്ടുണ്ട്. 12627-ാം നമ്പർ കെ.എസ്.ആർ ബെംഗളൂരു-ന്യൂഡൽഹി കർണാടക എക്സ്പ്രസ് ഇനി മുതൽ ഒന്നാം നമ്പർ പ്ലാറ്റ്ഫോമിന് പകരം രണ്ടാം നമ്പർ പ്ലാറ്റ്ഫോമിൽ നിന്നായിരിക്കും സർവീസ് ആരംഭിക്കുകയെന്ന് റെയിൽവേ അധികൃതർ വ്യക്തമാക്കി. യാത്രക്കാർ ഈ മാറ്റം ശ്രദ്ധിക്കണമെന്ന് റെയിൽവേ അറിയിച്ചു.
